सांगली प्रतिनिधी : वाढते प्रदूषण आणि पर्यावरण विषयक निर्माण होणाऱ्या समस्यांच्यामुळे देशाच्या सर्वांगीण विकासाला फार मोठी हानी पोहचली आहे. त्यामुळे इथूनपुढच्या काळात देशातील तरुणाईने समाज प्रबोधनाच्या चळवळीत सक्रिय सहभागी होण्याची गरज आहे. एवढेच नव्हे तर पर्यावरणपूरक जीवन शैलीचा अंगीकार करण्याची आवश्यकता आहे. असे मत शिवाजी विद्यापीठाच्या राष्ट्रीय सेवा योजनेचे माजी कार्यक्रम समन्वयक प्रा. संजय ठिगळे यांनी व्यक्त केले.
सांगली येथील विलिंग्डन महाविद्यालयात राष्ट्रीय सेवा योजना विभाग,शिवाजी यूनिवर्सिटी इकॉनॉमिक्स असोसिएशनचे कोल्हापूर आणि अर्थशास्त्र विभाग यांच्या संयुक्त विद्यमाने प्रा.संजय ठिगळे यांचे पर्यावरण आणि आर्थिक विकासात युवकांचे योगदान या विषयावर व्याख्यानाचे आयोजन करण्यात आले होते.
प्रारंभी उपस्थितांचे स्वागत आणि पाहुण्यांच्या परिचय अर्थशास्त्र विभागाचे प्रमुख व शिवाजी विद्यापीठ अभ्यास मंडळाचे सदस्य डॉ. मनोहर कोरे यांनी केले.
उपस्थितांचे आभार सुकृत थोरवे यांनी मानले.
मार्गदर्शनपर भाषणात प्रा.संजय ठिगळे म्हणाले की, ज्ञान आणि तंत्रज्ञानाच्या जोरावर आम्ही खूप प्रगती केली असली तरीही वाढत्या पर्यावरणीय समस्यांच्यामुळे आर्थिक विकासाला फार मोठी खीळ बसते आहे. वाढते प्रदूषण रोखणे हेच खरे आव्हान आहे. ते आव्हान शासन, स्वयंसेवी संस्था आणि तरुणाई यांच्या मदतीने पेलणे शक्य आहे.
अध्यक्षपदावरून बोलताना प्राचार्य डॉ. जाधव म्हणाले की, प्रदूषण हा विकासातील सर्वात मोठा अडथळा आहे. राष्ट्रीय सेवा योजनेतील तरुणाईने प्रदूषण रोखण्यासाठी विविध पातळीवर प्रयत्न केले पाहिजेत.
टिप्पणी पोस्ट करा
0टिप्पण्या