संग्रामपूर प्रतीनीधी : केंद्र व राज्य सरकारमार्फत शेतकऱ्यांसाठी डिजिटल ओळखपत्र म्हणून फार्मर आयडी (अॅग्रिस्टॅक) योजना सुरू करण्यात आली आहे. आधार, मोबाईल नंबर आणि सात-बारा लिंक करून तयार होणारी ही आयडी पी.एम. किसान, पीक विमा, महाडीबीटी, पोकरा यासारख्या सर्व योजनांचा लाभ घेण्यासाठी अनिवार्य करण्यात आली आहे.
मात्र हीच फार्मर आयडी आता संग्रामपूर तालुक्यातील शेतकऱ्यांसाठी अडचणीची ठरली आहे. राज्य सरकारने कर्जमाफीची पहिली व दुसरी यादी जाहीर केली. यादीत नाव असलेले पात्र शेतकरी नवीन पीक कर्ज घेण्यासाठी बँकेत गेले असता त्यांच्या सात-बाऱ्यासोबत फार्मर आयडी लिंक नसल्याचे प्रकरन समोर आले. अॅग्रिस्टॅक अॅपवर स्टेटस तपासले असता लँडलेस असे दाखवत आहे.
सीएससी सेंटर, तलाठी कार्यालय व तहसील कार्यालयात चकरा मारूनही प्रश्न सुटत नसल्याने शेतकरी हवालदिल झाले आहेत. तहसीलच्या लॉगिनवर नाव दिसत असले तरी क्षेत्रफळ अॅड होत नसल्याचे सांगण्यात येत आहे.
सध्या सुरू असलेल्या ई-पीक पाहणीसाठी (DSC MH अॅप) लॉगिन होत नसल्याने शेतकरी पीक पेरा भरू शकत नाहीत. तसेच पोकरा योजनेतून स्प्रिंकलर सेट घेतलेल्या शेतकऱ्यांचे अनुदानही क्षेत्रफळ लिंक नसल्याने रखडले आहे.
चौकट .. राज्य सरकारच्या कर्जमाफी योजनेतील पहिले यादीमध्ये माझं नाव आलेले आहे. 21 एप्रिल 2026 रोजी तहसीलदारांकडे फार्मर आयडी साठी अर्ज दिलेला आहे मात्र अद्यापही तोडगा निघालेला नाही. सातबारा लिंग नसल्याने पीक कर्ज देण्यास बँक नकारात आहे पोखरा योजनेचे अनुदान मिळत नाही. एकनाथ रामचंद्र दुतोंडे शेतकरी आवार.
टिप्पणी पोस्ट करा
0टिप्पण्या