सांगली, दि. २१ : श्रावणातील उत्साहाला खरेदीची रंगत देणारे आणि महिला उद्योजिकांना प्रोत्साहन देणारे ‘ऐशानी एक्झिबिशन’ यंदा पुन्हा एकदा सांगलीकरांच्या भेटीला येत आहे. अजिंकियन वूमन फाउंडेशनच्या वतीने २२ व २३ ऑगस्ट रोजी राजमती भवन, नेमिनाथ नगर, सांगली येथे या भव्य प्रदर्शनाचे आयोजन करण्यात आले आहे.
*या प्रदर्शनाचे उद्घाटन भाजपा महिला मोर्चा सांगली ग्रामीण जिल्हा प्रभारी सौ. रेणुकाताई देशमुख यांच्या हस्ते होणार आहे.*
‘ऐशानी एक्झिबिशन’चे खास आकर्षण म्हणजे फॅशनपासून फूडपर्यंत आणि दागिन्यांपासून होम डेकोरपर्यंत विविध प्रकारच्या आकर्षक व नाविन्यपूर्ण उत्पादनांची उपलब्धता. बदलत्या फॅशननुसार नवीन ट्रेंड्स, आकर्षक दागिने, गृहसजावटीच्या वस्तू, विविध खाद्यपदार्थ तसेच अनेक नाविन्यपूर्ण उत्पादने एकाच छताखाली पाहता व खरेदी करता येणार आहेत.
महिलांच्या कला, कौशल्य आणि व्यवसायाला बाजारपेठ उपलब्ध करून देण्याच्या उद्देशाने अजिंकियन वूमन फाउंडेशनच्या माध्यमातून हा उपक्रम राबविण्यात येत आहे. त्यामुळे खरेदीसोबतच स्थानिक महिला उद्योजिकांच्या उत्पादनांना प्रोत्साहन देण्याची संधी सांगलीकरांना मिळणार आहे.
दरवर्षी या प्रदर्शनाला सांगलीकरांचा उत्स्फूर्त प्रतिसाद मिळतो. यंदाही विविध आकर्षक स्टॉल्स, वैविध्यपूर्ण उत्पादने आणि श्रावणातील उत्सवी वातावरणामुळे ‘ऐशानी एक्झिबिशन’ला मोठी गर्दी होण्याची अपेक्षा आहे.
“श्रावणातील खरेदीचा आनंद घ्या आणि महिला उद्योजिकांना प्रोत्साहन द्या,” दि. २२ व २३ ऑगस्ट रोजी राजमती भवन, नेमिनाथ नगर, सांगली येथे आयोजित ‘ऐशानी एक्झिबिशन’ला सांगलीकरांनी कुटुंबीयांसह आवर्जून भेट द्यावी आणि श्रावणातील खरेदीचा आनंद द्विगुणित करावा.असे आवाहन अजिंकियन वूमन फाउंडेशनच्या संस्थापिका तथा भाजपा महिला मोर्चा सांगली शहर जिल्हा प्रभारी सौ. मंजिरीताई गाडगीळ यांनी केले आहे.
एकाच ठिकाणी खरेदीचा अनोखा अनुभव!
फॅशन • फूड • दागिने • होम डेकोर • महिला उद्योजिकांची उत्पादने
टिप्पणी पोस्ट करा
0टिप्पण्या