सांगलीत मूकबधिर शाळेचा ३६ वा वर्धापनदिन उत्साहात साजरा

प्रतिष्ठा न्यूज 

सांगली, प्रतिनिधी : जायंटस ट्रस्ट संचलित मूकबधिर मुलांची शाळा, सांगली येथे संस्थेचा ३६ वा वर्धापनदिन मोठ्या उत्साहात साजरा करण्यात आला. विद्यार्थ्यांनी केक कापून आनंदोत्सव साजरा केला. या निमित्ताने चित्रकला व रांगोळी स्पर्धांचे आयोजन करण्यात आले. विजेत्या विद्यार्थ्यांना बक्षिसे देऊन गौरविण्यात आले.  

या कार्यक्रमात ३५ वर्षे सेवा केलेल्या विशेष शिक्षिका श्रीमती. लिला भिमराव पाटील यांचा सेवापुर्ती सत्कार करण्यात आला. प्रमुख पाहुणे सुप्रसिद्ध सनदी लेखापाल श्रीनिवास भोसले यांच्या हस्ते त्यांना शाल, श्रीफळ, सन्मानपत्र व भेटवस्तू देऊन गौरविण्यात आले.  

कार्यक्रमास सारस्वत सहकारी बँक शास्त्री चौक शाखाधिकारी सौ. राखी सांगरोळकर व कर्मचारीवर्ग, संस्थेच्या अध्यक्षा श्रीमती. भारती चोपडे, संचालक डॉ. आशा गाजी, दिगंबर टिकारे, ॲड. विलासराव पवार, जायंटस ग्रुप सांगली अध्यक्ष नितेश पवार, सहेली संस्थेच्या प्रतिभा पालकर, शाळेचे मुख्याध्यापक नामदेव घरपणकर तसेच शिक्षकवर्ग, पालक व विद्यार्थी उपस्थित होते.  

या वर्धापनदिन सोहळ्यात विद्यार्थ्यांच्या कलागुणांना व सेवाभावी कार्याला योग्य तो सन्मान मिळाला. समाजातील सर्व घटकांनी अशा उपक्रमांना पाठबळ द्यावे, असे मत मान्यवरांनी व्यक्त केले.