उपमुख्यमंत्री अजित पवार यांच्या पार्थिवावर उद्या गुरुवारी सकाळी शासकीय इतमामात अंत्यसंस्कार होणार; राज्यात तीन दिवसांचा दुखवटा जाहीर

उपमुख्यमंत्री अजितदादा पवार यांना शासकीय श्रद्धांजली 🙏

प्रतिष्ठा न्यूज 

मुंबई, दि. २८: राज्याचे उपमुख्यमंत्री तथा वित्त व नियोजन, राज्य उत्पादन शुल्क मंत्री अजित आशाताई अनंतराव पवार यांचे आज दिनांक २८ जानेवारी २०२६ रोजी दुःखद निधन झाले आहे. यामुळे महाराष्ट्रात २८ ते ३० जानेवारी २०२६ या तीन दिवसांचा दुखवटा जाहीर करण्यात आला आहे. त्यांच्या पार्थिवावर शासकीय इतमामात अंत्यसंस्कार करण्यात येणार आहेत, असे सामान्य प्रशासन विभाग (राजशिष्टाचार) विभागामार्फत कळविण्यात आले आहे.

या तीन दिवसांच्या कालावधीत महाराष्ट्रातील ज्या इमारतींवर नियमितपणे राष्ट्रध्वज फडकविण्यात येतो, त्या सर्व ठिकाणी राष्ट्रध्वज अर्ध्यावर उतरविण्यात येईल. तसेच या कालावधीत कोणतेही शासकीय मनोरंजन कार्यक्रम आयोजित करण्यात येऊ नयेत. उपमुख्यमंत्री अजित पवार यांच्या दुःखद निधनामुळे बुधवार, दिनांक २८ जानेवारी २०२६ रोजी राज्यातील सर्व राज्य शासकीय कार्यालये बंद राहतील, असे कळविण्यात आले आहे.

1) राष्ट्रवादी काँग्रेसचे राष्ट्रीय अध्यक्ष, राज्याचे उपमुख्यमंत्री स्वर्गीय  मा.ना.श्री. अजितदादा पवारसाहेब यांचे पार्थिव आज दि.28/01/2026 रोजी रात्री 9:00 वाजेपर्यंत बारामती येथील विद्या प्रतिष्ठान, विद्यानगरी येथे दर्शनासाठी असणार आहे.

 2) उद्या दि.29/01/2026 रोजी सकाळी 09:00 वाजलेपासून ते 11:00 वाजेपर्यंत अंतयात्रा असणार आहे.

3) उद्या दि.29/01/2026 रोजी सकाळी 11:00 वाजता अंत्यसंस्कार बारामती येथील विद्या प्रतिष्ठानाच्या मैदानावर होणार आहे.