तासगाव : देशात आणि राज्यात यशस्वी वाटचाल करणाऱ्या भाजपला तासगाव मध्ये मात्र जबर धक्का बसला आहे.तासगावच्या नगरपालिका निवडणुकी मध्ये भाजपचे नगराध्यक्ष पदासह नगरसेवक पदांची निवडणूक लढवणाऱ्या सर्व उमेदवाराचे डिपॉझिट जप्त झाल्याने भाजपला जोरदार धक्का बसला असून,पक्षाला आत्मपरीक्षण करायला लावणारा हा निकाल आहे.तासगाव भाजपात पक्षातील अंतर्गत गटबाजी आणि भाजप किसान मोर्चाचे प्रदेश सरचिटणीस संदीप गिड्डे पाटिल यांना डावलल्याने भाजपवर नामुष्की ओढवली असल्याची चर्चा आहे.
तालुक्यात शहर मंडल आणि ग्रामीण मंडल अशी वेगवेगळी संघटनात्मक रचना असताना शहर मंडलमधील पूर्ण संघटना तसेच तासगाव शहरातील भाजपचे किसान मोर्चाचे प्रदेश सरचिटणीस संदीप गिड्डे पाटील यांना डावलण्यात आलं.आणि ग्रामीण मंडल अध्यक्ष स्वप्नील पाटील यांनी काहीही संबंध नसताना,तासगाव नगरपालिका निवडणूकीत पूर्ण हस्तक्षेप केल्याचे पदाधिकारी बोलत आहेत.शहरातील भाजप संघटनेला आणि इच्छुक उमेदवारांना त्यांनी पूर्ण डावलले,तसेच पक्षाकडून आलेला निधी देखील तळापर्यंत वाटला नाही,असा आरोप भाजप पदाधिकाऱ्यांनी तासगाव तालुका अध्यक्ष स्वप्नील पाटील यांच्यावर केला आहे.नगरपरिषद निवडणुकीतील पराभवाला भाजप तासगाव तालुका अध्यक्ष स्वप्नील पाटील जबाबदार असून त्यांचा राजीनामा घ्या अन्यथा हकालपट्टी करा अशी मागणी तासगाव भाजप पदाधिकारी आणि भाजप उमेदवारानी केली आहे.एवढंच नव्हे तर मुख्यमंत्री देवेंद्र फडणवीस,प्रदेश अध्यक्ष रवींद्र चव्हाण आणि पालकमंत्री चंद्रकांत पाटील यांच्याकडे लेखी तक्रार करून ही मागणी करणार असल्याची माहिती यावेळी भाजप पदाधिकाऱ्यांनी दिली.
टिप्पणी पोस्ट करा
0टिप्पण्या