सांगली प्रतिनिधी : महाराष्ट्र साहित्य परिषद सांगली शाखेच्या कार्यकारिणीची बैठक शाखेचे अध्यक्ष प्रा.संजय ठिगळे यांच्या अध्यक्षतेखाली संपन्न झाली. सदरच्या बैठकीत शाखेच्या स्वीकृत सदस्यपदी प्राचार्य डॉ. भास्कर ताम्हणकर व डॉ. दिलीप शिंदे यांची सर्वानुमते निवड करण्यात आली.
प्राचार्य डॉ.भास्कर ताम्हणकर हे नाट्य परिषद सांगलीचे अध्यक्ष असून त्यांनी विलिंग्डन महाविद्यालयाचे माजी प्राचार्य म्हणून उत्कृष्ट कामगिरी केली आहे.
डॉ.दिलीप शिंदे हे लेखक असून त्यांची अनेक पुस्तके प्रकाशित झाली आहेत. त्यांनी संवेदना वृद्ध सेवा केंद्राच्या माध्यमातून वृद्धांसाठी विविध उपक्रम राबविले आहेत.
बैठकीस शाखेचे उपाध्यक्ष डॉ.अनिल मडके व प्रमोद चौगुले, कार्यकारिणी सदस्य डॉ.भीमराव पाटील,भीमराव धुळूबुळू, कुलदीप देवकुळे, महादेव माने, प्रदीप सुतार ,मनीषा पाटील, सल्लागार समिती सदस्य नामदेव माळी उपस्थित होते.
प्रारंभी उपस्थितांचे स्वागत कार्यवाह अभिजित पाटील यांनी केले. उपस्थितांचे आभार कार्यवाह वर्षा चौगुले यांनी मानले.
टिप्पणी पोस्ट करा
0टिप्पण्या