गगनबावडा : येथील संत ज्ञानेश्वर माध्यमिक विद्यालय व विद्या मंदिर शेणवडे शाळेतील गुणवंत व नवोदित विद्यार्थ्यांचा सत्कार आणि शैक्षणिक साहित्य वाटप सोहळा उत्साहात पार पडला. या कार्यक्रमाला शेणवडे ग्रामपंचायतीच्या लोकनियुक्त सरपंच सौ. संपदा प्रकाश पाटील, उपसरपंच रमेश विठ्ठल टक्के व सर्व पदाधिकारी प्रमुख उपस्थित होते.
शुभम पाटील आणि गुणवंतांचा गौरव
या सोहळ्यात शेणवडे शाळेचा माजी विद्यार्थी कु. शुभम शिवाजी पाटील याची 'इंडियन पोस्ट ऑफिस'मध्ये पोस्टमन पदी निवड झाल्याबद्दल ग्रामपंचायतीच्या वतीने मुख्याध्यापक श्री. लव्हटे सर यांच्या हस्ते विशेष सत्कार करण्यात आला.
तसेच परीक्षेत उत्कृष्ट यश संपादन केल्याबद्दल खालील विद्यार्थ्यांचा मान्यवरांच्या हस्ते गौरव करण्यात आला:
कु. प्रणाली गणपती पाटील (९५% गुण मिळवून प्रथम)
कु. समीक्षा मारुती पाटील (द्वितीय क्रमांक)
संचित शिवाजी हंकारे (तृतीय क्रमांक)
स्पर्धा परीक्षेत यश मिळवा, स्वखर्चाने मिरवणूक काढू: प्रकाश पाटील
कार्यक्रमात बोलताना मा. प्रकाश पाटील यांनी विद्यार्थ्यांना प्रेरणादायी मार्गदर्शन केले.
"यापुढे शेणवडे गावातील कोणताही विद्यार्थी स्पर्धा परीक्षेत उत्तीर्ण होऊन सिलेक्ट झाल्यास, आपण स्वतः स्वखर्चाने त्याची गावातून वाजतगाजत मिरवणूक काढू. अशा गुणवान विद्यार्थ्यांना सर्व ग्रामस्थ नेहमीच भक्कम साथ देतील," असा विश्वास त्यांनी यावेळी व्यक्त केला.
मान्यवरांची उपस्थिती
याप्रसंगी डॉ. आनंदा वापिलकर, शाहू विकास सोसायटीचे चेअरमन श्री. सर्जेराव पाटील, श्री. बाजीराव पाटील, श्री. शिवाजी गुरव, दैनिक नवराष्ट्रचे पत्रकार श्री. संभाजी सुतार, श्री. सदाशिव गुरव, श्री. किसन वापिलकर उपस्थित होते.
तसेच नूतन सदस्य सौ. सविता वापिलकर, सौ. गीता वापिलकर, ग्रामसेवक कृष्णात पाटील, शाळा व्यवस्थापन समितीचे अध्यक्ष मारुती पाटील, श्री. गणेश वापिलकर, ओंकार हेतकर यांच्यासह शाळेतील सर्व शिक्षक स्टाफ, ग्रामपंचायत पदाधिकारी, युवक व ग्रामस्थ मोठ्या संख्येने उपस्थित होते. कार्यक्रमात सर्व उपस्थित विद्यार्थ्यांना वह्या, पेन आणि पेन्सिलचे वाटप करून त्यांना पुढील वाटचालीस शुभेच्छा देण्यात आल्या.
टिप्पणी पोस्ट करा
0टिप्पण्या