रोटरी क्लब ऑफ तासगांवच्या नव्या कार्यकारिणीची सूत्रे विठ्ठल पाटील यांच्या हाती

प्रतिष्ठा न्यूज/किरण कुंभार 

तासगाव:रोटरी क्लब ऑफ तासगांव (डिस्ट्रिक्ट ३१७०) आणि इनरव्हील क्लब ऑफ तासगांव यांच्या संयुक्त विद्यमाने रोटरी वर्ष २०२६-२७ साठी नूतन कार्यकारिणीचा पदग्रहण समारंभ समृद्धी मल्टीपर्पज हॉल, तासगांव येथे मोठ्या उत्साहात पार पडला.दोन्ही क्लबच्या नव्या पदाधिकाऱ्यांनी आपापल्या पदांची सूत्रे स्वीकारून आगामी वर्षासाठी समाजसेवेचा नवा संकल्प केला.या कार्यक्रमासाठी डिस्ट्रिक्ट गव्हर्नर नॉमिनी रो.विक्रांतसिंह कदम हे प्रमुख पाहुणे व इन्स्टॉलिंग ऑफिसर म्हणून उपस्थित होते.त्यांच्यासोबत असिस्टंट गव्हर्नर रो.सलिल लिमये, आऊटगोईंग असिस्टंट गव्हर्नर रो. सचिन कोले आणि इनरव्हील क्लबच्या प्रमुख पाहुण्या ॲन मनिषा विक्रांतसिंह कदम यांची प्रमुख उपस्थिती लाभली.सायंकाळी सात वाजता स्वागत आणि फेलोशिपने कार्यक्रमाची सुरुवात झाली.रोटरी क्लबचे अध्यक्ष रो.तानाजीराव पाटील यांना सार्जंट ॲट आर्म्स रो. सुनील निपाणीकर यांच्या हस्ते अध्यक्षीय कॉलर प्रदान करण्यात आली.विश्वशांतीसाठी मौनप्रार्थना, राष्ट्रगीत,इनरव्हील प्रेयर आणि फोर-वे टेस्ट या परंपरांनी कार्यक्रमाला औपचारिक प्रारंभ झाला.अध्यक्ष रो.तानाजीराव पाटील आणि इनरव्हील अध्यक्षा ॲन रूपाली मिरजकर यांनी उपस्थित मान्यवरांचे स्वागत करत प्रास्ताविक केले.प्रमुख पाहुण्यांचा पुष्पगुच्छ देऊन सत्कार करण्यात आला.इनरव्हील क्लब ऑफ तासगांवच्या वार्षिक उपक्रमांचा आढावा सचिव ॲन रूपाली मिरजकर यांनी सादर केला.गतवर्षात विशेष योगदान देणाऱ्या सदस्यांचा सन्मान करण्यात आला.त्यानंतर ॲन मनिषा विक्रांतसिंह कदम यांच्या हस्ते इनरव्हील क्लबच्या नूतन कार्यकारिणीचे पदस्थापना विधी पार पडले.नूतन अध्यक्षा ॲन विनया पाटील यांनी पदभार स्वीकारत आगामी वर्षासाठी विविध सामाजिक उपक्रम राबविण्याचा संकल्प व्यक्त केला.इनरव्हील सोहळ्यानंतर रोटरी क्लब ऑफ तासगांवच्या ‘तास-ए-रोटरी’ या वार्षिक बुलेटिनचे प्रकाशन डिस्ट्रिक्ट गव्हर्नर नॉमिनी रो.विक्रांतसिंह कदम यांच्या हस्ते करण्यात आले.यावेळी गतवर्षात उल्लेखनीय कार्य करणाऱ्या सदस्यांचा गौरव करण्यात आला.तसेच डिस्ट्रिक्ट टीम २०२६-२७ मध्ये निवड झालेल्या रो. जगन्नाथ घणेरे (डीजी एड), रो. राहुल तेली, रो. राजेंद्र विटेकर आणि रो. तानाजीराव पाटील (आरडीसी) यांचा विशेष सत्कार करण्यात आला.सचिव रो.चंद्रकांत खरमाटे यांनी वार्षिक सचिव अहवाल सादर केला.त्यानंतर रोटरी क्लब ऑफ तासगांवच्या २८ व्या वर्षासाठी नूतन कार्यकारिणीचे औपचारिक इन्स्टॉलेशन डीजीएन रो.विक्रांतसिंह कदम यांच्या हस्ते संपन्न झाले. यावेळी डॉ.प्रशांत पाटील,पृथ्वीराज पाटील आणि डॉ.मच्छिंद्र थोरात या नव्या सदस्यांचे क्लबमध्ये स्वागत करण्यात आले.नूतन अध्यक्ष रो. विठ्ठल पाटील यांनी पदभार स्वीकारल्यानंतर आपल्या मनोगतात समाजसेवा,आरोग्य,शिक्षण, पर्यावरण आणि युवा विकासासाठी अधिक व्यापक उपक्रम राबविण्याचा निर्धार व्यक्त केला.इनकमिंग असिस्टंट गव्हर्नर रो.सलिल लिमये यांनीही मार्गदर्शन केले.प्रमुख पाहुणे रो.विक्रांतसिंह कदम यांनी ‘Unite For Good’ या ब्रीदवाक्याखाली क्लबने राबविलेल्या जवळपास पन्नास समाजोपयोगी उपक्रमांचे कौतुक केले.ग्रामीण रुग्णालयात सीएसआर फंडातून उभारलेले डिजिटल एक्स-रे मशीन,विविध शाळांमधील आरोग्य तपासणी शिबिरे,गरजू विद्यार्थ्यांना सायकली व संगणकांचे वाटप,एनसीसी कॅडेट्सना डमी रायफल्सचे दान आणि कुटुंबीयांसह आयोजित फेलोशिप उपक्रमांचा त्यांनी विशेष उल्लेख केला.ग्रीन रोटरी सेंटर येथे सुरू असलेले लॉन आणि पेव्हिंग ब्लॉकचे काम हे क्लबचा महत्त्वाचा वारसा प्रकल्प ठरेल,असा विश्वास त्यांनी व्यक्त केला.सर्व रोटेरियन्स, रोटरॅक्टर्स, इनरव्हील सदस्य आणि त्यांच्या कुटुंबीयांचे योगदान हेच क्लबच्या यशामागील बळ असल्याचे त्यांनी नमूद केले.कार्यक्रमाचे सूत्रसंचालन रो.संजय नाईक,रो. जगन्नाथ घणेरे आणि रो.राहुल तेली यांनी केले.इव्हेंट चेअरमन पीपी रो. श्रीपाद खरे यांनी आभार प्रदर्शन केले.समारोपावेळी नूतन अध्यक्ष रो. विठ्ठल पाटील आणि ॲन विनया पाटील यांच्या वतीने सर्व उपस्थितांसाठी स्नेहभोजनाचे आयोजन करण्यात आले.