चिंतामणराव व्यापार महाविद्यालयात महात्मा फुले यांची २०० वी द्विशताब्दी जयंती उत्साहात साजरी..

प्रतिष्ठा न्यूज / योगेश रोकडे

सांगली : चिंतामणराव व्यापार महाविद्यालय, सांगली येथे महात्मा ज्योतिराव फुले यांच्या २०० व्या द्विशताब्दी जयंतीनिमित्त विशेष कार्यक्रमाचे आयोजन करून त्यांना अभिवादन करण्यात आले. कार्यक्रम उत्साहपूर्ण वातावरणात संपन्न झाला.

यावेळी प्रमुख वक्ते डॉ. शार्दुल ठाकूर यांनी महात्मा फुले यांच्या जीवनकार्याचा व सामाजिक योगदानाचा आढावा घेत त्यांच्या कार्याची माहिती उपस्थितांना दिली. त्यांनी सांगितले की, महात्मा फुले हे भारतातील महान समाजसुधारक, विचारवंत आणि शिक्षणप्रेमी होते. स्त्री शिक्षण, शूद्र-अतिशूद्रांच्या उन्नतीसाठी त्यांनी मोलाचे कार्य केले. सावित्रीबाई फुले यांच्या सहकार्याने मुलींसाठी पहिली शाळा सुरू करून त्यांनी शिक्षणक्रांतीची मुहूर्तमेढ रोवली. तसेच जातिभेद, अंधश्रद्धा आणि सामाजिक विषमता याविरुद्ध त्यांनी आयुष्यभर संघर्ष केला.

या कार्यक्रमास डेक्कन एज्युकेशन सोसायटीचे आजीव सदस्य श्री. नारायण आपटे, डॉ. आशिष पुराणिक, पर्यवेक्षक श्री. गजानन नागरगोजे, डॉ. विजय साळुंखे तसेच महाविद्यालयातील सर्व शिक्षक व शिक्षकेतर कर्मचारी उपस्थित होते.

कार्यक्रमाच्या माध्यमातून विद्यार्थ्यांना महात्मा फुले यांच्या विचारांचा प्रेरणादायी परिचय करून देण्यात आला.