भारतीय स्वाभिमानी संघ व युनायटेड मुस्लिम फोरम तर्फे अंगणवाडीतील चिमुकल्यांना खुर्च्यांची भेट

प्रतिष्ठा न्यूज /योगेश रोकडे 

मिरज : भारतीय स्वाभिमानी संघ व युनायटेड मुस्लिम फोरम यांच्या संयुक्त विद्यमाने अंगणवाडी क्र. १७६, मिरज येथील चिमुकल्यांना स्वातंत्र्य दिनाचे औचित्य साधून खुर्च्यांची भेट देण्यात आली.

कार्यक्रमाची सुरुवात नगरसेविका तथा प्रभाग क्र. ४ च्या सभापती शिरीन पिरजादे यांच्या हस्ते राष्ट्रध्वज फडकावून करण्यात आली. त्यानंतर त्यांच्या हस्ते अंगणवाडीतील विद्यार्थ्यांना खुर्च्यांचे वाटप करण्यात आले.

यावेळी भारतीय स्वाभिमानी संघाचे बी. एम. शिंदे यांनी विद्यार्थ्यांना शिक्षणाचे महत्त्व समजावून सांगत शिक्षणातूनच उज्ज्वल भवितव्य घडते, असे प्रतिपादन केले.

कार्यक्रमास सामाजिक कार्यकर्ते शकिल पिरजादे, सलीम शेख, भारतीय कर्मचारी संघाचे जिल्हा सचिव चंद्रकांत नागवंशी, सुरेश पेढें, भारतीय स्वाभिमानी महिला संघाच्या जिल्हाध्यक्षा चेतना नागवंशी, सायरा शेख, युनायटेड मुस्लिम फोरमचे जोहेब मुल्ला, भारतीय बौद्ध संघाचे संजीव मड्डी तसेच अंगणवाडी शिक्षिका जोश्ना माळी, फरीदा मोमीन यांच्यासह विद्यार्थी व पालकवर्ग मोठ्या संख्येने उपस्थित होता.

स्वातंत्र्य दिनाच्या पार्श्वभूमीवर चिमुकल्यांच्या शैक्षणिक सुविधेसाठी करण्यात आलेल्या या उपक्रमाचे उपस्थितांनी कौतुक केले.