गगनबावड्याच्या साहिल नारकरचे उत्तुंग यश; स्व. पी. एन. पाटील फाउंडेशन शिष्यवृत्ती परीक्षेत तालुक्यात सहावा

प्रतिष्ठा न्यूज /तुकाराम पडवळ गगनबावडा : कळे येथे संपन्न झालेल्या स्व. पी. एन. पाटील फाउंडेशन ४ थी शिष्यवृत्ती परीक्षेत श्री. माधव विद्यालय, गगनबावडा येथील विद्यार्थी कु. साहिल सुधीर नारकर याने नेत्रदीपक यश संपादन केले आहे. त्याने संपूर्ण तालुक्यात सहावा क्रमांक पटकावून 'टॉप टेन' मध्ये आपले स्थान निश्चित केले आहे.

    साहिलच्या या यशाने केवळ शाळेचेच नव्हे तर संपूर्ण गगनबावडा तालुक्याचे नाव उज्वल झाले आहे. त्याच्या या यशामागे त्याचे परिश्रम आणि शिक्षकांचे चोख मार्गदर्शन असल्याचे बोलले जात आहे.

यशाचे मानकरी व मार्गदर्शक

साहिलला या परीक्षेसाठी शाळेतील तज्ज्ञ शिक्षकांचे मोलाचे मार्गदर्शन लाभले:

मार्गदर्शक शिक्षक: सौ. मनिषा जाधव व सौ. हर्षदा सुनील तारडे.

प्रोत्साहन:

मुख्याध्यापिका श्रीम. प्रियंका सरोदे यांचे बहुमोल सहकार्य व मार्गदर्शन लाभले.

साहिलच्या या यशाबद्दल सर्व स्तरांतून त्याच्यावर कौतुकाचा वर्षाव होत असून, श्री. माधव विद्यालयाच्या वतीने त्याचे व मार्गदर्शक शिक्षकांचे विशेष अभिनंदन करण्यात येत आहे.