पालकमंत्री चंद्रकांत दादांनी विधानसभा निवडणुकीच्या वेळी स्वाती शिंदे यांना महापौर करण्याचा दिलेला शब्द पूर्ण करावा; भाजपा कार्यकर्त्यांची मागणी

प्रतिष्ठा न्यूज
सांगली प्रतिनिधी : विधानसभेच्या निवडणुकीच्या वेळी भाजपा महिला मोर्चाच्या प्रदेश सरचिटणीस माजी नगरसेविका अँड. स्वाती शिंदे यांनी सांगली विधानसभा मतदारसंघातून निवडणूक लढण्याची तयारी केली होती. सांगली विधानसभेचे आमदार सुधीर दादा गाडगीळ यांनी यंदाची निवडणूक लढणार नाही असे घोषित केल्यानंतर अँड. स्वाती शिंदे यांनी आमदार सुधीर दादा गाडगीळ यांच्याशी चर्चा करून तुम्ही लढणार नसाल तर  अँड. स्वाती शिंदे यांनी विधानसभा लढण्याची तयारी करू का असे विचारल्या नंतर आमदार सुधीर दादा गाडगीळ म्हणाले मी निवडणूक लढणार नाही तुम्ही तयारी करा असे सांगितल्यानंतर स्वाती शिंदे यांनी सांगली विधानसभा मतदारसंघातील शहरामधील मतदारांच्या भेटीगाठी, बैठका,छोट्या सभा यांनी मतदार संघ पिजून काढला होता. यासाठी  लाखो रुपये खर्चही केले होते. आमदार सुधीर दादा गाडगीळ यांनी निर्णय अचानक बदलला व निवडणूक लढण्याचा निर्णय घेतला.

     त्यानंतर नाराज झालेल्या कार्यकर्त्यांची समजूत काढण्यासाठी चंद्रकांत दादा पाटलांनी सांगलीचा दौरा केला त्या दौऱ्यामध्ये माजी आमदार नितीन शिंदे यांच्या घरासमोर जमलेल्या भाजपच्या कार्यकर्त्यांच्या समोर आमदार सुधीर दादा गाडगीळ यांच्या साक्षीने अँड. स्वातीताई शिंदे व त्यांच्या कार्यकर्त्यांनी आमदार सुधीर दादा गाडगीळ यांच्या या निवडणुकीत प्रचार करावा भविष्यात महानगरपालिकेच्या होणाऱ्या निवडणुकांमध्ये निवडून आल्यास त्यांना महापालिकेमध्ये महापालिकेतील सर्वात मोठे महापौर पद देऊ असं आश्वासन कार्यकर्ते समोर दिलं होतं. त्यांनी दिलेल्या आश्वासनानंतर आमदार सुधीर दादा गाडगीळ यांच्याकडून एक कप चहाची ही अपेक्षा न करता अँड. स्वाती शिंदे यांनी पूर्ण मतदार संघ सभा घेऊन पिंजून काढला. यावेळी महिलांच्या बैठका, जाहीर सभा, 70 ते 80 सभा घेऊन प्रचार केला. विजय झालेल्या आमदार सुधीर दादा गाडगीळ यांच्या विजयामध्ये अँड. स्वाती शिंदे व त्यांच्या कार्यकर्त्यांचा मोठा वाटा आहे. स्वातीताई शिंदे यांनी आमदार सुधीर दादा गाडगीळ यांचा प्रचार करून त्यांना निवडून देण्याचा शब्द त्यांना विजय करून पूर्ण केला. *आता सांगलीचे पालकमंत्री चंद्रकांत दादा पाटील यांनी स्वातीताई शिंदे यांना महापौर  करण्याचा दिलेला शब्द पूर्ण करावा.* अशी कार्यकर्त्यांची मागणी आहे.

        अँड. स्वाती शिंदे ह्यांनी महापालिकेच्या निवडणुकीत काँग्रेसच्या बालेकिल्ल्यात अडीच हजार मताधिक्याने त्या विजयी झालेले आहेत. त्यांच्या या विजयामुळे  भाजप 39 आकड्यापर्यंत पोहोचलेल आहे.  महापालिकेच्या महापौर पदाच्या आरक्षण सोडतीवेळी सुदैवाने सर्वसाधारण खुलं पडलेल आहे.

      अँड.  स्वाती शिंदे या मराठा समाजातील उच्च विद्या विभूषित महिलेला राजकारण व समाजकारणातील 30 वर्षाचा अनुभव आहे. तसेच अँड. स्वाती नितीन शिंदे यांची राजकीय कारकीर्द मूळची शिवसेना, भाजप, हिंदुत्ववादी विचारसरणीच्या आहे, त्या काँग्रेस किंवा राष्ट्रवादी मधून प्रवेश केलल्या नाहीत. अँड. स्वाती शिंदे यांना आजपर्यंत महापालिकेमध्ये महापौर, उपमहापौर, सभापती यातील कोणतीही पदे मिळालेले नाहीत.

    अँड. स्वाती शिंदे यांना महापौर पद दिले व पालकमंत्र्यांनी आपला शब्द पाळला तर कार्यकर्त्यांच्या मध्ये एक चांगला संदेश जाईल. यासाठी विद्यमान आमदार सुधीर दादा गाडगीळ यांनी प्रयत्न करावे.
     
     अशी मागणी बाळासाहेब मोहिते, प्रकाश निकम, सचिन देसाई, गजानन मोरे, संजय जाधव, प्रदीप निकम, अनिरुद्ध कुंभार, प्रदीप बोथरा, बाळासाहेब बेलवलकर, राजू रसाळ, प्रकाश चव्हाण, सोमनाथ गोटखिंडे, वैशाली शेळके, शिवाजी पाटील, छाया हाक्के आदी कार्यकर्त्यांनी केली आहे.