डोळ्यांच्या आरोग्यासाठी मोठा दिलासा;लाईफकेअर हॉस्पिटलमध्ये मोफत तपासणी,मोतीबिंदू शस्त्रक्रियेवर ५०% सवलत

प्रतिष्ठा न्यूज/किरण कुंभार 

तासगाव:तासगाव येथील लाईफकेअर मल्टीस्पेशालिटी हॉस्पिटलच्या वतीने आयोजित करण्यात आलेल्या मोफत डोळे तपासणी पंधरवड्याचे उद्घाटन पोलीस निरीक्षक विशाल टकले यांच्या हस्ते करण्यात आले. ९ मार्च ते २३ मार्च या कालावधीत होणाऱ्या या शिबिरामध्ये नागरिकांना मोफत डोळे तपासणीसह मोतीबिंदू शस्त्रक्रियेवर ५० टक्के सवलत देण्यात येणार आहे.

उद्घाटन प्रसंगी बोलताना पोलीस निरीक्षक विशाल टकले म्हणाले की, विविध सरकारी योजनांच्या माध्यमातून गोरगरीब व गरजू रुग्णांना मोफत उपचार देणारे हॉस्पिटल म्हणून लाईफकेअर मल्टीस्पेशालिटी हॉस्पिटलने अल्पावधीतच परिसरात नावलौकिक मिळवला आहे. आरोग्य क्षेत्रात वेळोवेळी समाजोपयोगी उपक्रम राबविण्यात हे हॉस्पिटल नेहमीच पुढाकार घेत असल्याचे त्यांनी सांगितले.या शिबिरामध्ये मोफत डोळे तपासणीसोबतच मोतीबिंदू शस्त्रक्रिया सवलतीच्या दरात करण्यात येणार असून दर बुधवारी मधुमेही रुग्णांच्या डोळ्यांच्या पडद्याची विशेष तपासणी करण्यात येणार आहे. २७ वर्षांचा प्रदीर्घ अनुभव असलेले नेत्ररोग तज्ज्ञ डॉ. भालचंद्र जोशी अत्याधुनिक उपकरणांच्या साहाय्याने ही तपासणी करणार असल्याची माहिती यावेळी देण्यात आली.शिबिराचा लाभ घेणाऱ्या रुग्णांना चष्म्यांवरही विशेष सवलत देण्यात येणार आहे.तसेच महात्मा फुले जनआरोग्य योजना,प्रधानमंत्री जनआरोग्य योजना, मुख्यमंत्री वैद्यकीय सहाय्यता निधी तसेच विविध इन्शुरन्स कंपन्यांच्या माध्यमातून अनेक आजारांवर तासगावमध्येच मोफत उपचाराची सुविधा उपलब्ध असल्याचेही सांगण्यात आले.कार्यक्रमाच्या सुरुवातीला हॉस्पिटलचे संचालक प्रताप घाडगे यांनी स्वागत केले,तर डॉ. ज्ञानेश्वर शिवणकर यांनी आभार मानले.

यावेळी डॉ.सुधाकर अलमद,डॉ.अनिकेत हजारे,डॉ. जहीर नदाफ,डॉ. विजय माने, डॉ.संदेश पाटील, डॉ. मुस्कान नदाफ, डॉ.राहुल घोगरे,मॅनेजर श्रद्धा खराडे, प्रसाद नलावडे, संजय तुपे, मोहित पाटील, काजल शिंदे, प्रियांका अमृतसागर, रूपाली पवार, संजना रोकडे तसेच पोलीस कर्मचारी उपस्थित होते.