पै. कोमल पटेल ची 🥈 रौप्य पदकाला गवसणी

प्रतिष्ठा न्यूज 

सांगली प्रतिनिधी : दिनांक १ फेब्रुवारी रोजी वसंतदादा कुस्ती केंद्र यशवंत नगर सांगली या ठिकाणी संपन्न झालेल्या २० वर्षा आतील महिला अजिंक्यपद कुस्ती स्पर्धेत मिरा भाईंदर महानगर पालिकेच्या सौजन्याने व मिरा भाईंदर कुस्तीगीर संघ संचालित श्री गणेश आखाड्यातील महिला मल्ल पै.कोमल पटेल हिने रौप्य पदक पटकावले .

या स्पर्धेत महाराष्ट्रातून विविध वजनी गटातून निवड झालेल्या पैलवानांचा समावेश होता . ५० किलो वजनी गटात संपूर्ण महाराष्ट्रातून १४ निवड झालेल्या मल्लांचा समावेश होता .

कोमल ची पहिली कुस्ती पुणे शहर जिल्ह्याची पूर्वा परदेशी सोबत होती कोमल ने १४/३ अशा १० तांत्रिक गुणांच्या फरकाने सामना जिंकला.

दुसरी फेरी तिची जळगावची कसलेली मल्ल समीक्षा काळे हिच्या सोबत झाली , या कुस्ती मध्ये क्षणाचा ही विलंब न लावता झोळी या डावाची पकड घेत समिक्षाला चितपट करत सर्वांना अचंबित केले.

तिसऱ्या फेरी मध्ये मुंबई उपनगराच्या रसिका माळी सोबत होती यात देखील तिने प्रतिस्पर्ध्याला चितपट करत आपली विजयी घोडदौड सुरू ठेवली. 

फायनल मॅच मध्ये कोमलची लढत अनेक वेळा राज्य व राष्ट्रीय स्तरावर मेडल मिळवलेल्या कोल्हापूरच्या गौरी पाटील अशा अनुभवी मल्लाशी होती , अखेर अनुभवाने वरचढ असलेल्या गौरीने कोमल ला तांत्रिक गुनाधिक्याने पराजित केले.

कोमल ही अभिनव कॉलेज ऑफ आर्ट्स , कॉमर्स अँड सायन्स या कॉलेज मध्ये आर्ट्स च्या प्रथम वर्षात आहे . राज्यस्तरावरील कोमलचे हे पहिलेच मेडल असल्या मुळे सर्व स्तरावरून तिच्यावर अभिनंदनाचा वर्षाव होत आहे.

तिला श्री गणेश आखाड्याचे सर्वेसर्वा गुरुवर्य श्री.वसंतराव पाटील व पै.वैभव माने यांचे अनमोल मार्गदर्शन लाभले.