कवलापूर येथे होणाऱ्या अंधश्रद्धा पसरविणाऱ्या ख्रिश्चन धर्मगुरूंच्या प्रेयर फेस्टिवलवर सकल हिंदू समाजाचा आक्षेप : जिल्हाधिकारी व पोलीस अधीक्षकांना दिले निवेदन

प्रतिष्ठा न्यूज 

सांगली प्रतिनिधी : सकल हिंदू समाजाच्या वतीने हिंदुत्ववादी संघटनांनी एकत्रित येऊन दिनांक 13,14 व 15 मार्च रोजी कवलापूर येथील विमानतळाच्या प्रस्तावित जागेवर महाराष्ट्र प्रेयर फेस्टिवल 2026 सांगली या नावाने होणाऱ्या ख्रिश्चन धर्मगुरू पॉल दिनाकरण यांच्या तक्रारीचे निवेदन जिल्हा पोलीस अधीक्षक सांगली व जिल्हाधिकारी व जिल्हा दंडाधिकारी सांगली यांना दिले. 

 सकल हिंदू समाजाच्या वतीने दिल्या गेलेल्या या निवेदनात म्हटले आहे की ख्रिश्चन धर्मगुरू पॉल दिनाकरण यांच्या जुन्या कार्यक्रमाचे व्हिडिओ पाहता त्यातून आजारी माणसांना प्रार्थनेने ठीक करणे, चालता येत नसलेल्या माणसांना प्रार्थनेने चालता आले असे सांगणे, शरीरावर असलेली गाठ प्रार्थनेने बरी झाली असे सांगणे, बरेच दिवस बेडवर झोपून असणारा माणूस प्रार्थनेने चालू लागला असं दाखवणे असे अंधश्रद्धेला पूरक असे प्रकार दिसून आले आहेत. कवलापूर येथील विमानतळावर होणाऱ्या या कार्यक्रमाच्या जाहिरातीसाठी जो व्हिडिओ सध्या सोशल मीडियावर प्रचंड व्हायरल होत आहे त्या व्हिडिओमध्येही एक मुलगी आपल्या कानाच्या मागे असलेली गाठ आत्ता प्रार्थनेने निघून गेली असं सांगत आहे, हे दिसून आले आहे. तर निवेदनात अशा पद्धतीच्या कार्यक्रमांना शासनाने परवानगी देऊ नये.अशा कार्यक्रमातून लोकांच्यामध्ये अंधश्रद्धेला बळ मिळते जे समाजासाठी अत्यंत घातक आहे. अशा पद्धतीचे व्हिडिओ दाखवूनही हिंदू समाजाचे बऱ्याच ठिकाणी धर्मांतरण होत आहे असेही दिसून आले आहे. 

असेच चमत्कार करणारा आटपाडीचा पास्टर संजय गेळे याला जिल्हाधिकारी सांगली यांनी एक वर्षासाठी सांगली जिल्ह्यातून तडीपार केले आहे. तसेच मागील वर्षी उच्चशिक्षित व विवाहित ऋतुजा राजगे या महिलेने ख्रिश्चन धर्मांतरणाच्या दबावातून सात महिन्याची गरोदर असताना गळफास घेऊन आत्महत्या केली होती असे निवेदनात म्हटले आहे. 

निवेदनामध्ये ख्रिश्चन धर्मगुरू पॉल दिनाकरण याचे युट्युब वरील स्वतःचे चॅनल जीजस कॉल्स यावरील असलेल्या काही व्हिडिओची लिंक ही देण्यात आल्या आहेत. ज्यामध्ये पॉल दिनाकरण याने प्रार्थनेने आजार बरे झाले असा दावा केला आहे. तसेच जर हा कार्यक्रम होणार असेल तर या कार्यक्रमाचे व्हिडिओ चित्रण करावे व जर येशूच्या प्रार्थनेने आजार बरे झाले, प्रार्थनेने शरीरावरील गाठ निघून गेली, चालायला येऊ लागलं असे प्रकार दिसल्यास ख्रिश्चन धर्मगुरू पॉल दिनाकरण व या कार्यक्रमाचे आयोजक यांच्यावर गुन्हे दाखल करून त्यांना अटक करण्यात यावी असे सकल हिंदू समाज व सर्व हिंदुत्ववादी संघटनांच्या कडून सांगण्यात आले आहे. 

हे निवेदन देताना खालील हिंदुत्ववादी संघटना व कार्यकर्ते उपस्थित होते. 

हिंदू एकता आंदोलन 

श्रीशिवप्रतिष्ठान हिंदुस्तान 

धर्मजागरण समन्वय 

बजरंग दल 

हिंदू जनजागृती समिती

मातंग चेतना परिषद

शिव मल्हार संघटनेचे 

शिव प्रतिष्ठान युवा हिंदुस्तान 

शिवसेना (शिंदे गट)

राहुल बोळाज, उदय मुळे, गजानन माने, संजय जाधव, संतोष देसाई, आकाश जाधव, अभिमन्यू भोसले, अमोल सदामते सुजित साळुंखे, राहुल पुजारी, लक्ष्मण सरगर, श्रेयस गाडगीळ, सोमनाथ गोटखिंडे हे उपस्थित होते.