🚨 शनिवार बाजारात कापड विक्रेत्यांवर नियमबाह्य प्लास्टिकविरोधात महापालिकेची कारवाई

प्रतिष्ठा न्यूज 

सांगली, दि. २० :

सांगली–मिरज–कुपवाड शहर महानगरपालिका क्षेत्रात नियमबाह्य प्लास्टिकच्या वापरास प्रतिबंध करण्यासाठी महापालिका प्रशासनाकडून कारवाई सुरू आहे. महापालिका आयुक्त संजीता महापात्र यांच्या निर्देशानुसार व उपायुक्त (आरोग्य व स्वच्छता) स्मृती पाटील यांच्या मार्गदर्शनाखाली प्रभाग समिती क्र. १ अंतर्गत सांगली शनिवार बाजार परिसरातील कापड विक्रेत्यांकडून करण्यात येणाऱ्या नियमबाह्य प्लास्टिकच्या वापराविरोधात दंडात्मक कारवाई करण्यात आली.

शनिवार बाजार परिसरात तपासणी करून नियमबाह्य प्लास्टिकचा वापर करणाऱ्या व्यापाऱ्यांना सक्त सूचना देण्यात आल्या. यावेळी करण्यात आलेल्या कारवाईत एकूण ₹३०,०००/- दंड वसूल करण्यात आला, तसेच ४० किलो नियमबाह्य प्लास्टिक जप्त करण्यात आले.

🚫 नियमबाह्य प्लास्टिकचा वापर टाळण्याचे आवाहन

महापालिका प्रशासनाकडून व्यापारी, विक्रेते व नागरिकांनी नियमबाह्य प्लास्टिकचा वापर करू नये, तसेच पर्यावरणपूरक पर्यायांचा वापर करावा, असे आवाहन करण्यात आले आहे.

नियमबाह्य प्लास्टिकचा वापर आढळल्यास संबंधितांविरुद्ध नियमानुसार दंडात्मक कारवाई करण्यात येणार असल्याचे महापालिका प्रशासनाने स्पष्ट केले आहे.

👥 कारवाईमध्ये सहभागी अधिकारी-कर्मचारी

या कारवाईमध्ये मुख्य स्वच्छता अधिकारी याकूब मद्रासी, स्वच्छता अधिकारी अतुल आठवले, प्रभाग समिती क्र. १ चे स्वच्छता निरीक्षक रवी साबळे, धनंजय कांबळे, किशोर कांबळे, प्रणिल माने, वैभव कुदळे तसेच मुकादम व स्वच्छता कर्मचारी सहभागी झाले.

🌿 “नियमबाह्य प्लास्टिक टाळा — स्वच्छ व पर्यावरणपूरक शहरासाठी सहकार्य करा!”

महापालिका प्रशासनाकडून शहरातील विविध बाजारपेठा व व्यावसायिक परिसरात नियमबाह्य प्लास्टिकविरोधात तपासणी व आवश्यकतेनुसार कारवाई करण्यात येत असून, व्यापारी व नागरिकांनी महापालिका प्रशासनास सहकार्य करावे, असे आवाहन करण्यात आले आहे.