सांगली : पोलीस दलातील प्रदीर्घ, प्रामाणिक व उल्लेखनीय सेवेची दखल घेत सांगली पोलीस मुख्यालय येथे कार्यरत असलेले पोलीस हवालदार समीर शांतीलाल परदेशी यांना माननीय पोलीस महासंचालक यांचे उत्कृष्ट सेवा पदक प्राप्त झाले आहे.पोलीस दलातील आपल्या सेवा काळात परदेशी यांनी प्रामाणिकपणा, शिस्त, कर्तव्यनिष्ठा, समर्पणाची भावना आणि उत्कृष्ट सेवा अभिलेख जपत आपल्या जबाबदाऱ्या प्रभावीपणे पार पाडल्या. त्यांच्या उल्लेखनीय सेवेबद्दल त्यांना प्राप्त झालेला हा सन्मान त्यांच्या कार्याची पोचपावती मानला जात आहे. समीर परदेशी यांच्या या गौरवामुळे त्यांच्या मित्र, सहकारी व नातेवाईकांमध्ये आनंदाचे वातावरण असून, त्यांची उत्कृष्ट सेवा पोलीस दलातील इतर कर्मचाऱ्यांसाठी प्रेरणादायी ठरत आहे.
उत्कृष्ट सेवा पदक प्राप्त केल्याबद्दल पोलीस हवालदार समीर शांतीलाल परदेशी यांचे सर्व स्तरातून मनःपूर्वक हार्दिक अभिनंदन व त्यांच्या पुढील सेवाकार्यासाठी शुभेच्छा दिल्या जात आहेत.
टिप्पणी पोस्ट करा
0टिप्पण्या