माजी आमदार आर.आर. (आबा) पाटील यांच्या पुण्यतिथीनिमित्त तासगावात ‘लक्षवेधी’ व्याख्यानमाला..

प्रतिष्ठा न्यूज/किरण कुंभार 

तासगाव:माजी उपमुख्यमंत्री तथा जननेते स्व.आर.आर. (आबा) पाटील यांच्या पुण्यतिथीनिमित्त तासगाव येथे ‘लक्षवेधी’ व्याख्यानमालेचे आयोजन करण्यात आले आहे.ही व्याख्यानमाला दि.२२ ते २४ फेब्रुवारी २०२६ दरम्यान दररोज सायं.६.३० वाजता साने गुरुजी नाट्यगृह,जोशी गल्ली, तासगाव येथे पार पडणार आहे.

या व्याख्यानमालेत विविध मान्यवर वक्ते मार्गदर्शन करणार आहेत.दि.२२ फेब्रुवारी रोजी न्यूज १८ मराठीचे मा.विलास बडे हे “लोकशाही-काल, आज आणि उद्या” या विषयावर विचार मांडणार आहेत. दि.२३ फेब्रुवारी रोजी प्रा.रविंद्र कोकरे यांचे “कथाकथन” या विषयावर व्याख्यान होणार असून दि.२४ फेब्रुवारी रोजी प्रा.अरुण पवार हे “कायद्यातील कविता” या विषयावर मार्गदर्शन करणार आहेत.या कार्यक्रमास आमदार रोहितदादा पाटील यांची प्रमुख उपस्थिती राहणार असून विविध क्षेत्रातील मान्यवरांची उपस्थिती लाभणार आहे.

ही व्याख्यानमाला रोहितदादा कल्चर ग्रुप,तासगाव आणि जिव्हाळा सोशल फाउंडेशन यांच्या संयुक्त विद्यमाने आयोजित करण्यात आली असून नागरिकांनी मोठ्या संख्येने उपस्थित राहून कार्यक्रमाचा लाभ घ्यावा,असे आवाहन आयोजकांच्या वतीने करण्यात आले आहे.