नूतन ज्ञान मंदिर कल्याण(पूर्व) च्या प्रांगणात भरली चिमुकल्यांची भाजी मंडई ; पालकांचा उत्स्फूर्त प्रतिसाद

प्रतिष्ठा न्यूज 

कल्याण : नूतन ज्ञान मंदिर कल्याण(पूर्व) च्या प्रांगणामध्ये, पूर्व प्राथमिक विभागात "चिमुकल्यांची भाजी मंडई" हा अत्यंत आगळ्यावेगळ्या उपक्रम पार पडला ही "चिमुकल्यांची भाजी मंडई" पाहताना

 ll कांदा मुळा भाजी अवघी विठाई माझी ll 

ll लसूण मिरची कोथिंबीर अवघा झाला माझा हरी ll 

या संत सावता महाराज यांच्या अभंग आठवतो. पालकांसोबत भाजी मंडईत भाजी विकणारी मुलं हे विठ्ठलाचे रूप भासतात या भाजी मंडईत विविध प्रकारच्या फळभाज्या, पालेभाज्या तसेच कडधान्य यांची विक्री केली जात होती. पूर्व प्राथमिक विभागाची निरागस चिमुकली आपल्याला भाजी विकताना दिसत होती. त्यांच्याबरोबर त्यांचे पालकही होते. भाजी तर विकतच होते त्याचं सोबत पैसेही व्यवस्थित ठेवत होते.

 पूर्व प्राथमिक विभागाच्या मुख्याध्यापिका सौ भाग्यश्री जोशी सांगतात की विद्यार्थ्यांना आई डब्यात जी भाजी देते ती भाजी कशी दिसते?ती कशा  प्रकारे बाजारातून आणली जाते? भाजी मंडई कशी असते? याचा प्रत्यक्ष अनुभव विद्यार्थ्यांना देण्यासाठी "चिमुकल्यांची भाजी मंडई" हा उपक्रम शाळेमध्ये घेतला काही चिमुकल्यांनी आपल्या पालकांसोबत भाजी विक्री केली तर काही चिमुकल्यांनी आपल्या पालकांसोबत भाजी खरेदी ही केली. या उपक्रमास पालकांचा उदंड असा प्रतिसाद लाभला तसेच नूतन ज्ञान मंदिर शाळेतील शिक्षकांनी सुद्धा या चिमुकल्यांच्या भाजी मंडईतून भाजी खरेदी केली या चिमुकल्याच्या भाजी मंडईला आकार दिला तो पूर्व प्राथमिक विभागाच्या मुख्याध्यापिका सौ भाग्यश्री जोशी तसेच त्यांच्या सहशिक्षिका सौ समिधा कदम, सौ दिपाली पवार, सौ ज्योती महाजन, सौ नंदा जोशी, सौ शितल सोनावळे ,व सौ सुजाता कारंडे या सहशिक्षकांनी.

कोणत्याही शाळेत न जाणाऱ्या संतांनी आपली मराठी भाषा जिवंत ठेवली आणि याच मराठी भाषेला आपणही जिवंत ठेवण्यासाठी आपल्या मराठी माध्यमाच्या शाळा वाचवणे गरजेचे आहे अशा प्रकारचे शाळेत उपक्रम राबवून आपली मराठी शाळाआपले  मराठीपण जिवंत ठेवत आहे.आशा आपल्या पूर्व प्राथमिक विभागाच्या शिक्षिका.