जिल्हा परिषद व पंचायत समिती निवडणूक तयारीचा जिल्हाधिकाऱ्यांकडून तासगाव येथे आढावा

प्रतिष्ठा न्यूज/किरण कुंभार

तासगाव : जिल्हा परिषद व पंचायत समिती सार्वत्रिक निवडणुकीच्या पार्श्वभूमीवर मा.अशोक काकडे, जिल्हाधिकारी सांगली यांच्या अध्यक्षतेखाली तहसील कार्यालय, तासगाव येथे तासगाव, कवठेमहांकाळ व मिरज तालुक्यातील निवडणूक निर्णय अधिकारी यांची आढावा बैठक पार पडली.या बैठकीत निवडणूक आयोगाच्या कार्यक्रमानुसार निवडणूक प्रक्रिया वेळेत व नियमानुसार पूर्ण करण्याबाबत मार्गदर्शन करण्यात आले.मतदान केंद्रांची तयारी,ईव्हीएम यंत्रांची सुरक्षितता,दिव्यांग व ज्येष्ठ मतदारांसाठी सुविधा,टपाली मतदान, अधिकारी-कर्मचाऱ्यांचे प्रशिक्षण तसेच कायदा व सुव्यवस्थेबाबत सविस्तर चर्चा करण्यात आली.

निवडणूक प्रक्रिया पारदर्शक, शांततामय व निर्भय वातावरणात पार पाडण्यासाठी सर्व यंत्रणांनी समन्वयाने काम करावे,असे आवाहन जिल्हाधिकाऱ्यांनी केले.या बैठकीस संबंधित निवडणूक अधिकारी व वरिष्ठ प्रशासकीय अधिकारी उपस्थित होते.