तासगाव : सावर्डे येथील जगदंब सोशल फाउंडेशनच्या वर्धापनदिनानिमित्त रविवार, दि. ६ सप्टेंबर २०२६ रोजी शिवकालीन शस्त्रांचे प्रदर्शन आणि रक्तदान शिबिराचे आयोजन करण्यात आले आहे.
ग्रामीण भागातील नागरिक व विद्यार्थ्यांना छत्रपती शिवाजी महाराजांच्या काळातील इतिहासाची माहिती मिळावी तसेच त्या काळातील शस्त्रे प्रत्यक्ष पाहण्याची संधी मिळावी, या उद्देशाने शिवकालीन शस्त्रांचे विशेष प्रदर्शन भरविण्यात येणार आहे.
जगदंब सोशल फाउंडेशनच्या वतीने सामाजिक बांधिलकी जपत विविध उपक्रम राबविले जातात. याच सामाजिक भावनेतून यंदा रक्तदान शिबिराचेही आयोजन करण्यात आले आहे.
हा कार्यक्रम रविवार, दि. ६ सप्टेंबर रोजी सकाळी ८ ते सायंकाळी ६ वाजेपर्यंत जिल्हा परिषद शाळा, सावर्डे येथील सभागृहात होणार आहे. शिवकालीन इतिहासाची माहिती घेण्यासाठी तसेच रक्तदानाच्या सामाजिक उपक्रमात सहभागी होण्यासाठी नागरिक व विद्यार्थ्यांनी मोठ्या संख्येने उपस्थित राहावे, असे आवाहन जगदंब सोशल फाउंडेशन, सावर्डे यांच्या वतीने करण्यात आले आहे.
टिप्पणी पोस्ट करा
0टिप्पण्या