गगनबावडा : तालुक्यातील केंद्र शाळा सांगशी येथील शाळा व्यवस्थापन समितीच्या नूतन पदाधिकाऱ्यांची निवड नुकतीच उत्साही वातावरणात पार पडली. यामध्ये समितीच्या अध्यक्ष, उपाध्यक्ष आणि शिक्षण तज्ज्ञ सदस्यांची सर्वानुमते निवड करण्यात आली.
मावळते अध्यक्ष श्री. शरद युवराज पवार यांची कार्यमुदत पूर्ण झाल्याने ही नवीन निवड प्रक्रिया राबवण्यात आली. श्री. शरद पवार यांनी आपल्या कार्यकाळात शाळेच्या विकासासाठी आणि विविध उपक्रमांसाठी अत्यंत उत्कृष्ट व उल्लेखनीय काम केले, असा गौरवपूर्ण उल्लेख यावेळी उपस्थित ग्रामस्थ व शिक्षकांनी केला.
कार्यक्रम प्रसंगी उपस्थितांनी मावळत्या समितीचे आभार मानले तसेच नवीन समितीने शाळेच्या शैक्षणिक आणि भौतिक प्रगतीचा हा आलेख असाच उंचावत ठेवून उत्कृष्ट कामगिरी करावी, अशी अपेक्षा व्यक्त करत नूतन पदाधिकाऱ्यांना भावी वाटचालीस हार्दिक शुभेच्छा दिल्या. यावेळी शिक्षक स्टाफ व बहुसंख्य ग्रामस्थ उपस्थित होते.
टिप्पणी पोस्ट करा
0टिप्पण्या