तासगाव पालिकेच्या उपनगराध्यक्षपदी प्रसाद पैलवान बिनविरोध,तर स्वीकृत नगरसेवक पदी ॲडव्होकेट तुकाराम कुंभार, संदीप सावंत, विशाल शिंदे

प्रतिष्ठा न्यूज/किरण कुंभार 

तासगाव:तासगाव नगरपालिका निवडणूक झाल्यानंतर थेट नगराध्यक्ष व २४ नगरसेवकांची निवड झाली होती.आज उपनगराध्यक्षपद तसेच ३ स्विकृत नगरसेवकांच्या निवडी करण्यात आल्या.तासगाव पालिकेवर काका गटाने निर्विवाद यश मिळवल्या नंतर आज उपनगराध्यक्षपदी नूतन नगरसेवक प्रसाद पैलवान यांची बिनविरोध निवड करण्यात आली.झालेल्या निवडणुकीत थेट नगराध्यक्षपदी काका गटातील सौ.विजया पाटील यांची आणि २४ नगरसेवक निवडीवर शिक्कामोर्तब झाले होते.या निवडणूकीत काका गटाचे नगराध्यक्ष व १३ नगरसेवक असे अधिकचे संख्याबळ आहे.आज काका गटाचे दोन आणि आमदार रोहित पाटील गट यांचा एक अशा तीन स्वीकृत नगरसेवकांच्या निवडीही पार पडल्या.काका गटाकडून संदीप सावंत ढवळवेस आणि विशाल शिंदे,तर आमदार गटाकडून ॲडव्होकेट तुकाराम कुंभार यांची निवड करण्यात आली.यावेळी  निवडीनंतर समर्थकांनी गुलाल उधळून फटाक्यांची आतिषबाजी करत मिरवणुक काढली.