कोल्हापूर प्रतिनिधी : राष्ट्रवादी काँग्रेस पार्टी (शरदचंद्र पवार) पक्षाच्या वतीने सामाजिक बांधिलकी जपत पक्ष संघटन मजबूत करण्याच्या दृष्टीने महत्त्वाचा निर्णय घेण्यात आला आहे. कोल्हापूर जिल्हा व्यसनमुक्ती सेलच्या अध्यक्षपदी श्री. सुशांत प्रशांत मल्लाडे यांची अधिकृत निवड करण्यात आली आहे.
मुंबई येथील पक्ष कार्यालयात आयोजित एका विशेष कार्यक्रमात राष्ट्रवादी काँग्रेस पार्टी (शरद पवार) पक्षाचे ज्येष्ठ नेते, माजी मंत्री तथा आमदार जिंतेंद्रजी आव्हाड यांच्या शुभहस्ते सुशांत मल्लाडे यांना निवडीचे अधिकृत पत्र सुपूर्द करण्यात आले. पक्षाचा २७ वा वर्धापन दिन उत्साहात साजरा होत असतानाच या महत्त्वपूर्ण नियुक्तीची घोषणा करण्यात आली.
याप्रसंगी कोल्हापूर जिल्हा कार्याध्यक्ष रावसाहेब भिलवडे यांच्यासह पक्षाचे विविध पदाधिकारी आणि कार्यकर्ते मोठ्या संख्येने उपस्थित होते.
आपल्या नियुक्तीनंतर बोलताना सुशांत मल्लाडे यांनी, पक्षश्रेष्ठींनी दाखवलेला विश्वास सार्थ ठरवून कोल्हापूर जिल्ह्यात व्यसनमुक्तीच्या माध्यमातून व्यापक सामाजिक कार्य उभारण्याचा आणि पक्षाचे विचार तळागाळातील लोकांपर्यंत पोहोचवण्याचा संकल्प व्यक्त केला. या निवडीबद्दल त्यांचे राजकीय व सामाजिक स्तरातून कौतुक आणि अभिनंदन होत आहे.
टिप्पणी पोस्ट करा
0टिप्पण्या