प्रा. सारिका कुलकर्णी यांना पीएच.डी.

प्रतिष्ठा न्यूज 

मिरज : येथील सारिका साहिल कुलकर्णी यांनी डॉ. बाबासाहेब आंबेडकर मराठवाडा विद्यापीठ, छत्रपती संभाजीनगर विद्यापीठाची सूक्ष्मजीवशास्त्र विषयातील पीएच.डी. पदवी संपादन केली. त्यांनी मर्कुरी (Mercury - Hg) आणि लीड (Lead - Pb) यांसारख्या विषारी जड धातूंच्या (Heavy Metals) प्रदूषणावर मात करण्यासाठी स्थानिक (Indigenous) धातू-प्रतिरोधक जिवाणू (Metal Resistant Bacteria) आणि त्यांचे एन्झाईम्स वापरून बायोरेमेडिएशन (Bioremediation / जैव-उपचार) या प्रभावी, स्वस्त आणि पर्यावरणपूरक पद्धतीचा अभ्यास करून विद्यापीठास प्रबंध सदर केला होता. यासाठी त्यांना अंबाजोगाई, जि. बीड येथील योगेश्वरी महाविद्यालयाचे प्रा. डॉ. अनिल नरसिंगे यांचे मार्गदर्शन लाभले. डॉ. सारिका कुलकर्णी या पुणे येथील भारती विद्यापीठाच्या यशवंतराव मोहिते महाविद्यालयात तासिका तत्वावर सहाय्यक प्राध्यापिका म्हणून कार्यरत आहेत. या संशोधनासाठी त्यांना भारती विद्यापीठाचे प्रा.डॉ.जी.व्ही.माळी यांचेही मोलाचे मार्गदर्शन लाभले.

विषारी जड धातूं मुळे होणारे पर्यावरणातील प्रदूषण त्याचे घटक परिणाम जीवाणूंच्या मदतीने कमी करण्यासाठी डॉ. कुलकर्णी यांचे संशोधन महत्वपूर्ण ठरणार आहे.