स्मार्ट मीटरविरोधात हलगी नाद आंदोलन;महावितरण कार्यालयासमोर वीजबिलांची होळी

प्रतिष्ठा न्यूज/किरण कुंभार 

तासगाव:स्मार्ट मीटरच्या सक्तीच्या बसवणुकीविरोधात राष्ट्रीय दलित पँथर सेना व कम्युनिस्ट पक्षाच्या वतीने जत येथील महावितरण कार्यालयासमोर हलगी नाद व बोंब ठोक आंदोलन करण्यात आले. आंदोलनादरम्यान महावितरण विरोधात जोरदार घोषणाबाजी करत वीजबिलांची होळी करण्यात आली.प्रदेशाध्यक्ष प्रशांत केदार,समीर नदाफ,नवनाथ पवार व हणमंत कोळी यांच्या नेतृत्वाखाली झालेल्या आंदोलनात नागरिकांच्या परवानगीशिवाय स्मार्ट मीटर बसवले जात असल्याचा आरोप करण्यात आला.स्मार्ट मीटरमुळे वाढीव वीजबिले,आर्थिक भुर्दंड व नागरिकांचे शोषण होत असल्याचा दावा आंदोलकांनी केला.सक्तीने बसविण्यात आलेले स्मार्ट मीटर तात्काळ काढून घ्यावेत,अन्यथा महावितरण कार्यालयावर गाढव मोर्चा काढण्यात येईल,असा इशारा निवेदनाद्वारे देण्यात आला.यावेळी दोन्ही संघटनांचे पदाधिकारी, कार्यकर्ते आणि मोठ्या संख्येने ग्राहक उपस्थित होते.