सांगली दि. २०: भारतीय जनता पक्षाने आपणास सांगलीकरांच्या सेवेसाठी स्विकृत नगरसेवक पदाची संधी दिली आहे. आपल्या कामाची उचित नोंद घेऊन पक्षाने टाकलेला विश्वास सार्थ ठरवण्यासाठी" प्रभागातील नागरिकांचे प्रश्न समजून घेऊन, महापालिका प्रशासनाशी समन्वय साधून, पारदर्शकपणे विकासकामे होण्यासाठी अभ्यासू आणि लोकांच्या मदतीला तत्पर असणारा नगरसेवक अशी ओळख निर्माण करा. केवळ निवडणुकीपुरता मर्यादित न राहता, स्वच्छ प्रशासन आणि लोकांचा आवाज बनून काम करणे ही सांगलीची गरज आहे. .
नगरपालिकेचे कायदे, नियम, आराखडे आणि निधी कसा वापरायचा याचा सखोल अभ्यास करुन त्यामध्ये जाणकार बना.
नागरिकांशी सतत संपर्कात राहून त्यांच्या दैनंदिन समस्या जसे पाणी, रस्ते, स्वच्छता इ. प्रश्न समजून घ्या आणि त्या सोडवण्यासाठी प्राधान्यक्रम ठरवा.
पुढील ५ वर्षांचा विचार करून, शाश्वत व कायमस्वरूपी विकासकामे उदा. शुध्द व मुबलक पाणी पुरवठा, आरोग्य, वृक्षारोपण, पर्यटन विकास, कचरा व्यवस्थापन याचे नियोजन करा. विकासकामांमध्ये पारदर्शकता ठेवून जनतेचा आवाज बना.
महिला, वृद्ध व दिव्यांग व्यक्तींसाठी विशेष योजना राबवा.
महापालिकेच्या सभांमध्ये मुद्देसूद मांडणी करून प्रशासना मार्फत कामे पूर्ण करून घेण्यात अग्रभागी रहा.
असा मौलिक कानमंत्र भाजपा नेते पृथ्वीराजबाबा पाटील यांनी नूतन स्विकृत नगरसेवकांना दिला. ते आज त्यांच्या निवासस्थानी आयोजित स्विकृत नगरसेवक सत्कार कार्यक्रमात बोलत होते.
भाजपाने स्विकृत नगरसेवक म्हणून केदार खाडीलकर, विश्वजित पाटील आणि दरिबा बंडगर आणि घटक पक्ष जनसुराज्य शक्तीचे डॉ. पंकज म्हेत्रे यांची व काँग्रेस पक्षाने सागर बिरनाळे, अमित शहा यांच्या निवडी केल्या आहेत. यांना आज पृथ्वीराजबाबा पाटील यांनी त्यांच्या निवासस्थानी निमंत्रित करुन शाल, पुष्पगुच्छ व दिग्गजाची पत्रे हे पुस्तक देऊन यथोचित सत्कार केला आणि त्यांना सांगली अधिक चांगली करण्यासाठी नगरसेवक पदाची शक्ती वापरुन लोकसेवा करा असा आशीर्वाद आणि
निष्पक्षता , पारदर्शकता आणि सांगलीकरांचे हित याला सर्वोच्च प्राधान्य देऊन सांगली अधिक चांगली करण्यासाठी त्यांना मनःपूर्वक शुभेच्छा दिल्या.
यावेळी बाळासाहेब फोंडे म्हणाले, 'पृथ्वीराजबाबा पाटील यांच्यामुळे भाजपाला एक चांगला सज्जन व कामाचा नेता मिळाला आहे. त्यांच्या मार्गदर्शनाखाली भाजपा मजबूत होत आहे. ते सामान्य लोकांचे प्रश्न सोडविण्यासाठी मान पान बाजूला ठेवून एका हाकेला धावून येतात. चांगले काम करणाऱ्या कार्यकर्त्यांचा ते घरी बोलावून सन्मान करतात. ते सुसंस्कृत व सांगली अधिक चांगली करण्यासाठी धडपडणारा नेता आहेत.स्विकृत नगरसेवकांचा त्यांनी स्वतः घरी बोलावून सत्कार केल्याने अधिक चांगले काम करण्याची जबाबदारी नगरसेवक व आमच्यावर पडली आहे, '
नगरसेवकांना निवासस्थानी बोलावून सत्कार केला आणि सांगलीकरांचे प्रश्न सोडविण्यासाठी पदाचा उपयोग करा असा मोलाचा कानमंत्र देऊन पृथ्वीराजबाबा पाटील यांनी आम्हाला हत्तीचे बळ दिले असे उद्गार विश्वजित पाटील यांनी काढले व कृतज्ञतापूर्वक बाबांचा सत्कार केला.
यावेळी कुपवाड भाजपा शहराध्यक्ष कृष्णा राठोड, ॲड.विरेंद्रसिंह पाटील, बिपीन कदम, सनी धोतरे, अजय देशमुख, डॉ.राजेंद्र मेथे, लक्ष्मण सरगर, बाळासाहेब फोंडे,
प्रा. एन.डी.बिरनाळे, प्रशांत देशमुख,आयुब निशाणदार,आशिष चौधरी, नितीन तावदारे, रघुनाथ नार्वेकर व पृथ्वीराज पाटील फाउंडेशनचे कार्यकर्ते उपस्थित होते.
टिप्पणी पोस्ट करा
0टिप्पण्या